أنــا

أنا الأمـــل اللى مات بدرى .. أنـا شفرة بحروف عِبرى
أنــا مـــشـهـد فراق اتنين .. أنـــا كلمة عشان خاطرى
..

أنـــا ضحـكـة عجوز لاسع .. أنـــا أضيق مكان واسـع
أنــــا اللا منطق الفــكـرى .. أنـــا الـقـــائد و أنا التابع
..

أنـــا البايع صُحاب بالكوم .. أنــا الظالم و انا المظلوم
أنا أسعد واحــــد لـكـن .. فى نفس الوقت انا مهموم
..

أنــا غُـــربــــة أنــا مَنفَى .. أنــا دمـعـــة عيـون خايفَـة
أنــا اللغز اللى حـيّــر نـــاس .. لا لــيّــا حـــل ولا صِرفَة
..

أنـــــــا الــعـــايش كــمـا المغرور .. أنـــا قيصر و إمبراطور
لكن جايز تشوفنى كتير .. ضعيف و حزين تقول مكسور
..

أنا الناصح بـ قــــال و قال .. أنــــا الـــــداعى لكل جمال
و أنــا البايع تراب بفلوس .. و أنا الفاسد , أنـــا المُحتال
..

أنـــا كدبة و شهاده زور .. عـــشــــان مصلحتى بس بثور
و أنــــا بـــرضه اللى بتمنى .. أعيش فـ الدنيا دى مستور
..

أنـــا التايه أنــــا الضايع .. عــــايش فى خيال ومش واقع
أنــا اللى خسرت ياما كتير .. فى لحـظــه بعدى عــ الجامع
..

أنـــــا اللى هـــحـــاول أتغيّر .. و أعيش من تانى فى رحابه
و هــرفــــع إيــــدى و أدعيله .. و هــقــصـــد كرمه على بابه
و قــبـــل ما هطلب الـرحمه .. هــســـعى و أخـــــد بأسبابه
ـــــــــــــــــــــــــ