قلبي حزين موجوع !

كاتم الآه بين الضلوع

بيبكي لكن ..!

صوته مبقاش مسموع

عايز يحلم لكن ..!

الحلم بقي ممنوع

كان له حبيب

قتل جواه الضحكه .!

نساه حتي معني البسمة..!

اصبر ياقلبي ده نصيبك

وغير نصيبك ..!

مافيش حاجه في الكون هتصيبك..!

نـ بـ ض قـ لـ م حـا ئـ ر

فيه حاجات جوايا مبقتش زى زمان

الضحكة مش صافية والقلب شال احزان

والعمر بيعدى......اسرع من الاول

والكدب بيطول......والحق امتى يبان......!!

انا روح وتايهة فى بحور الالم

وجسد بيهرب م الضياع و العدم

انسان وعايش ف الحياة كام يوم

وحاسس بدهشة وخوف و فرحة وندم......!!

غريبة......!!

غريبة......!!

غريبة الدنيا و الايام 

غريب الحب و الاحلام

غريبة العمر عدى قوام

غريبة و بكره لسه مجاش

غريبة الاهة والمواويل

غريب الصبح زى الليل

غريب احساسى 

بالتفاصيل

برغم انى محستهاش

غريب الجرح و المجروح

غريب قلبى و غريبة الروح

غريبة النفس رافضة تبوح

تقول ناسيه و مبتنساش

غريبة التوهة و التوهان

غريبة الفرحة و الاحزان

غريب جدا اوى الانسان

مصدق انه فعلا عاش

غريبة الدنيا و الايام......!!

أنا عايش بنص كيان
و النص التاني
ضاع مني
و حاسس ان انا
مهزوز
و طفل عجوز
و ان ضياعه جنني
و نص كياني
مش راجع
و بنده له
ماهوش سامع
ياريت يسمع و لو نوبه
و لو حتى أجيه راكع
ما نيش لاقيه
أنا ضايع
و فيا شيئ
من التوهان
من الهذيان
من التخريف
و نص كياني 
عني كفيف
و لا بيسمع
و لا بيتشاف
ندايا له
عبث... اسفاف
كلام تخريف
ما نص كياني 
ضاع مني
و عقلي خفيف
~
أميرة مصطفى

انا

أنا الكائن الشاب... 

العابث الجد ..

 اللي مش عاجب حد .. 

العاقل المجنون...

و أنا اللي قالوا على قلبه 

يومين صلب و حجر

و يومين تلاته حنون..

و أنا و نقيضي شيئ واحد

و بنعافر لنفس الشيئ..

و هفضل كده..

نفس الكائن...

بنفس القلم..

و نفس اللون..