غريبة......!!
غريبة الدنيا و الايام
غريب الحب و الاحلام
غريبة العمر عدى قوام
غريبة و بكره لسه مجاش
غريبة الاهة والمواويل
غريب الصبح زى الليل
غريب احساسى
بالتفاصيل
برغم انى محستهاش
غريب الجرح و المجروح
غريب قلبى و غريبة الروح
غريبة النفس رافضة تبوح
تقول ناسيه و مبتنساش
غريبة التوهة و التوهان
غريبة الفرحة و الاحزان
غريب جدا اوى الانسان
مصدق انه فعلا عاش
غريبة الدنيا و الايام......!!
ليست هناك تعليقات:
إرسال تعليق