|
ياللي عرفت الحب يوم و انطــــــــــــوي |
حسك تقول مشتاق لنبع الهـــــــــــــــوي |
حسك تقول مشتاق لنبع الغــــــــــــــــرام |
ده الحب .. مين داق منه قطره...ارتوي |
عجبي !!!
|
احسن ما فيها العشق و المعشقــــــة |
و شويتين الضحك والتريقـــــــــــــة |
شفت الحية . لفيت . لقيت الألــــــــذ |
تغييرها . و ده يعني التعب و الشقا |
عجبي !!!
|
ياما صادفت صحاب و ما صاحبتهمش |
و كاسات خمور و شراب و ما شربتهمش |
أندم علي الفرص اللي انا سبتهم |
و الا علي الفرص اللي ما سبتهمش |
عجبي !! |
|
الفيلسوف قاعد يفكر سيبوه |
لا تعملوه سلطان و لا تصلبوه |
ما تعرفوش إن الفلاسفه يا هوه |
اللي يقولوه بيرجعوا يكدبوه |
عجبي !!! |
|
رقاصه خرسا و رقصه من غير نغــم |
دنيا . . يا مين يصالحها قبل النـــــدم |
ساعتين تهز بوجههـــــــــــــــا يعنـي |
يترجرجوا نهديها يعني نعـــــــــــــــم |
عجبي !!! |
|
النهد زي الفهد نط اندلع |
قلبي انهبش بين الضلوع و انخلع |
ياللي نهيت البنت عن فعلها |
قول للطبيعة كمان تبطل دلع |
عجبي !!! |
|
يا ميت ندامه ع القلوب الخـــــــــــلا |
لا محبة فيها و لا كراهـــــــــــه ولا |
حتي يا قلبي الحزن ما عادش فيـــــك |
معلهش .. لك يوم برضه راح تتملا |
عجبي !! |
|
|
ليست هناك تعليقات:
إرسال تعليق